lunes, 28 de diciembre de 2009

Na morte de Gonzalo Jar Couselo

Son días de tristura en Lérez: nesta noiteboa acaba de deixarnos Gonzalo Jar Couselo. Aínda no mes de agosto estivera entre nós visitando a exposición sobre os músicos de Lérez e asistindo aos recitais de Félix Cons e de Ramos e Canosa. Compartimos todos diversas cancións e tamén moitas emocións.
Ao despedirse e como facía sempre, na súa condición de membro entusiasta de
CEDOFEITA , despois de gabar as actividades realizadas dixo o consabido
¡ Que difícil vai ser melloralo o ano que ven! ¡ A ver con que nos sorprendedes!”.
Pero a enfermidade non lle permitiu volver ao seu querido Lérez, falar cos amigos, preguntar por as novidades...
Non é este o lugar para falar dos seus méritos como militar ou como especialista en dereito internacional, para nós foise un membro da asociación e colaborador da nosa revista, unha persoa namorada de Lérez e as súas xentes, da nosa cultura e da nosa lingua, defensor do medio ambiente e do río Lérez que tan ben coñecía...
Compartimos a dor destes momentos coa súa familia e amigos.

O seguinte enlace lévanos a un artigo de Gonzalo Jar na revista CEDOFEITA. http://www.arcanaverba.org/cedofeita/rc10/lembranzas.pdf

E tamén outro enlace a un blog que fala del e con comentarios de persoas moi queridas:

http://eolapaz2.blogspot.com/2009/04/gonzalo-jar-couselo.html

Asociación sociocultural CEDOFEITA

Cando se aproxima un novo ano, a asociación sociocultural CEDOFEITA de Lérez bota a andar este blog que pretende servir de lugar de encontro para todas as persoas interesadas nas actividades da mesma.
Lembramos tamén que na nosa páxina http://cedofeita.arcanaverba.org , poden atopar todos os contidos dos diferentes números da nosa revista e outros contidos de interese.